Eithriadau

Beth yw eithriadau?

Gall ffermwyr elwa o nifer fawr o’r eithriadau hyn ar gyfer gweithgareddau sy’n ymwneud â gwastraff maent yn ei gynhyrchu ar eu ffermydd. Gan fod bron i bob busnes yn cynhyrchu gwastraffau rydych yn debygol o fod angen cofrestru un eithriad neu fwy, yn arbennig os ydych yn storio, ailgylchu neu waredu gwastraff amaethyddol ar eich fferm. Cysylltwch â ni ar 0845 603 3113 am gyngor a phecyn cofrestru eithriad gwastraff amaethyddol.
Gallwch gofrestru eithriadau gwastraff amaethyddol yn ogystal trwy system Agwedd Fferm Gyfan Defra. Er mwyn canfod mwy ynghylch yr Agwedd Fferm Gyfan ymwelwch â gwefan Defra:

• Agwedd Fferm Gyfan

Enghreifftiau o rai gweithgareddau cyffredin wedi’u heithrio a wneir a ffemwydd:
Mae gan bob eithriad a restrir isod ddisgrifiad byr o’r gweithgarwch a rychwantir ganddo. Gweler bob dolen gyswllt am:
 ddisgrifiad llawn o’r eithriad hwnnw; a
 chyfarwyddyd ynghylch beth mae’n ei olygu.
 Eithriad 52 –  storio’r gwastraff dros dro a gynhyrchwyd gennych ar eich fferm.
 Eithriad 21 –  asglodi boncyffion a changhennau neu dorri defnydd planhigion yn fân ar ôl cwympo coed a gwrychoedd.
 Eithriad 12 – compostio torion gwrychoedd a gwastraff cnwd a gynhyrchwyd ar y fferm.
 Eithriad 7 – taenu’r gwastraff wedi’i gompostio a gynhyrchwyd ar y fferm.
 Eithriad 30 -  llosgi defnydd planhigion a geir yn naturiol, gan gynnwys boncyffion a changhennau o goed sydd wedi syrthio neu a gwympwyd, pren heb ei ddrin o drwsio ffensys, torion gwrychoedd, dail a rhisgl.
 Eithriad 37 -  gwaredu gwastraffau meinwe planhigion fel cnydau wedi’u heintio neu sbwylio ar y fferm ble cynhyrchir nhw.
 Eithriad 27 -  byrnu defnydd lapio plastig silwair neu fathru cynwysyddion gwag cyn eu hanfon i’w hadennill neu eu gwaredu.
 Eithriad 47 -  taenu llaeth gwastraff a lastwreiddiwyd ar dir er budd i amaeth neu welliant ecolegol.
 Eithriad 16 -  gwaredu golchion plaleiddiad diberygl mewn biowely.
 Paragraph 13 – malurio concrit a brics ac ati er mwyn gwneud agregad.
 Paragraph 29 – llosgi carcasau anfeiliaid mewn llosgydd bach ar y fferm ble fuont farw.
 Paragraph 36 – taenu sbwriel carthu o glirio ffosydd amaethyddol.
 Paragraph 28 – taenu lludw moch neu ddofednod ar dir yn y fan ble cynhyrchwyd ef.
Mae eithriadau eraill ar gael ond y rhai a restir uchod yw’r prif rai y gallwch fod eu hangen er mwyn rh eoli’r gwastraff rydych yn ei gynhyrchur trwy eich gweithgareddau ffermio.
O bryd i’w gilydd, gallwch ddefnyddio gwastraff na chafodd mo’i gynhyrchu ar fferm, er enghraifft concrit wedi’i falurio a chraidd caled er mwyn adeiladu neu gynnal llwybrau. Nid yw hyn yn wastraff amaethyddol a rhaid cofrestru eithriadau ar gyfer defnyddio gwastraff nad yw’n amaethyddol trwy’r system cofrestru eithriadau cyffredinol:
 Eithriadau gwastraff
Enghreifftiau o eithriadau nad ydynt yn ymwneud â gwastraff amaethyddol:
 Eithriad 15 – defnyddio papur gwastraff wedi’i dorri’n fân fel gwasarn anifeiliaid neu ddefnyddio hen deiars ceir o’r iard sgrap ar gladd silwair
 Eithriad 5 – llosgi gwastraffau penodol fel tanwydd mewn cyfarpar wedi’i eithrio
 Eithriad 6 – Storio llaid carthion cyn ei daenu ar eich caeau
Am wybodaeth bellach ynghylch yr eithriadau hyn a’r ffurflen gais syml ewch i’n tudalen eithriadau:
 Eithriadau gwastraff
Mae’r eithriadau canlynol pan ddefnyddir gwastraffau nad ydynt yn amaethyddol yn eithriadau cymhleth. Mae eithriadau cymhleth yn weithgareddau gwastraff sydd wedi’u heithrio rhag caniatàu ond sy’n rhaid i chi eu gwirio er mwyn sicrhau nad ydynt yn gwneud niwed i’r amgylchedd.
 Eithriad 12 – Compostio gwastraff gwyrdd a gasglir gan y Cyngor
 Eithriad 19 – Defnyddio crafion ffyrdd neu frics a choncrit wedi’i faluro o safle dymchwel er mwyn cynnal llwybrau fferm.
 Eithriad 7 – Taenu llaid papur ar eich tir.
 Eithriad 9 – Adennill, adfer neu wella tir.
Cyn gallwn gofrestru eithriad cymhleth, rhaid i chi ddarparu manylion ynghylch eich gweithgarwch gwastraff ar ffurflen hysbys sy’n benodol ar gyfer yr eithriad hwnnw. Mae’r ffurflen yn gofyn i chi gynnwys data ategol ac mae angen cyfnod o amser arnom i asesu hyn cyn i ni gofrestru’r eithriad.
Rhaid i’r wybodaeth y gofynnwn i chi ei chyflwyno fel rhan o’r asesiad hwn ddangos bod eich cynigion:
 yn cwrdd ag amcanion yr eithriad, ac
 nid ydynt yn achosi llygredd neu wneud niwed i iechyd.
Heblaw am eithriad 12, mae ffïoedd yn gysylltiedig â gwneud cais am eithriad cymhleth ac mae angen adnewyddu rhai ar sail flynyddol. Am wybodaeth bellach ynghylch eithriadau cymhelth a’r ffurflenni cais ymwelwch â’n tudalen Eithriadau Cymhleth:
 Eithriadau cymhleth
Caniatadau amgylcheddol
Os nad yw eich gweithgarwch yn bodloni amodau eithriad yna mae’n debygol o fod angen caniatâd amgylcheddol.
 Canfyddwch wybodaeth bellach ar ganiatadau amgylcheddol