Tecstilau a dillad

Mae’r cyfarwyddyd hwn ar gyfer busnesau sy’n cynhyrchu tecstilau a dillad. Mae’n cwmpasu nifer o weithgareddau gan gynnwys:

• cynhyrchu carped
• paratoi ffibr a nyddu
• gorffennu  ffibrau naturiol a ffibrau a chymysgeddau synthetig
• cynhyrchu ffabrigau ac eitemau wedi’u gwau a’u crosio, a les, hosanau, a dillad wedi’u gwau
• cynhyrchu dillad, hetiau a chapiau, esgidiau a wnaed o decstil (heb wadnau), menig, beltiau a rhwydenni gwallt
• cynhyrchu eitemau nad ydynt wedi’u gwehyddu, gan ddefnyddio gwres, latecs neu brosesau mecanyddol
• cynhyrchu carpedi a llenni, clustogau, tecstilau ar gyfer y tŷ, llieiniau ar gyfer y tŷ, cwiltiau, falansiau a chwrlidau
• cynhyrchu rhaffau a chortynnau o edafedd o ffibrau naturiol (ee cotwm, jiwt a sisal) a ffibrau o waith dyn (ee neilon a pholypropylen)
• crafu, iro, barcio, cannu, cneifio a phlicio a lliwio crwyn ffwr
• gwehyddu brethynnau llydan, brethynnau cul, les, a thecstilau tu mewn a thu allan, a throi edafedd yn ffabrigau.

Beth yw’r effeithiau amgylcheddol potensial?

• allyriadau i aer, er enghraifft o gyfansoddion organig anweddol (VOCs), nwyon anweithiol o dorri â laser a llwch o weithrediadau gorffennu
• halogiad tir, er enghraifft o ardaloedd storio cemegolion
• llygredd sŵn, er enghraifft o gyfarpar a pheiriannau gwaredu gwastraff, er enghraifft blawd llif wedi’i halogi, torion a chnawd ffwr, a chynhwyswyr cemegolion wedi’u halogi
• gollyngiadau i ddŵr, er enghraifft dŵr sy’n cynnwys lliwiau, pigmentau, siwgrau, sodiwm clorid a sodiwm sylffad
  

Sut gall NetRegs eich helpu chi?

Medrai ein cyfarwyddyd eich helpu i: 

• osgoi cael eich erlyn a derbyn llai o ymweliadau oddi wrth reolyddion amgylcheddol
• cynyddu effeithlonrwydd a chynhyrchiant
• cwtogi ar eich costau  gweithredu
• bod yn fwy tebygol o gaffael busnes  o gyrff llywodraethol a busnesau mawr sy’n mynnu fod eu partneriaid  busnes yn rheoli eu heffeithiau amgylcheddol mewn dull effeithiol
• gwella enw da  eich busnes ymhlith y staff, cwsmeriaid a’r cyhoedd
• gwella’r siawns o ennill noddiant  er mwyn ehangu eich busnes drwy arddangos fod eich effeithiau ar yr amgylchedd yn cael eu rheoli’n dda.