Mae’r cyfarwyddyd hwn ar gyfer busnesau sy’n darparu gwasanaethau gofal iechyd a gwasanaethau cysylltiedig. Er enghraifft, cartrefi gofal, therapyddion amgen a fferyllfeydd cymwysedig.
Sut gall darparwyr gofal iechyd effeithio ar yr amgylchedd?
Gall darparwyr gofal iechyd a gwasanaethau cysylltiedig gael nifer o effeithiau ar yr amgylchedd:
- allyriadau aer, er enghraifft o’ch bwyleri, cerbydau, cyfleusterau cegin a londri
- defnyddio ynni, er enghraifft o offer a pheiriannau, goleuadau, a gwresogi ac oeri
- halogi tir, er enghraifft o golledion damweiniol o gemegolion ac olew a halogiad potensial o sut y defnyddiwyd eich safle yn y gorffennol
- llygredd sŵn, o ffynonellau fel offer, peiriannau, derbyn cyflenwadau a symudiadau cerbydau yn gyffredinol
- gwaredu gwastraff, er enghraifft gwastraff bwyd, gwastraffau clinigol, gwastraff a fedrai fod yn heintus, meddyginiaethau nad oes eu heisiau, meddyginiaethau wedi’u hysgarthu a’u cynhyrchion ymddatod a gosodiadau a ffitiadau treuliedig
- defnyddio dŵr, er enghraifft dyfrhau tiroedd, a defnyddio dŵr mewn ceginau, ystafelloedd ymolchi a thai bach.
Sut gall NetRegs eich helpu chi?
Medrai ein cyfarwyddyd eich helpu i:
- osgoi cael eich erlyn a derbyn llai o ymweliadau oddi wrth reolyddion amgylcheddol
- cynyddu effeithlonrwydd a chynhyrchiant
- cwtogi ar eich costau gweithredu
- bod yn fwy tebygol o gaffael busnes o gyrff llywodraethol a busnesau mawr sy’n mynnu fod eu partneriaid busnes yn rheoli eu heffeithiau amgylcheddol mewn dull effeithiol
- gwella enw da eich busnes ymhlith y staff, cwsmeriaid a’r cyhoedd
- gwella’r siawns o ennill noddiant er mwyn ehangu eich busnes drwy arddangos fod eich effeithiau ar yr amgylchedd yn cael eu rheoli’n dda.
