Mae’r cyfarwyddyd hwn yn berthnasol i unrhyw un sy’n gweithio o fewn addysg. Mae’n arbennig o berthnasol i:.jpg)
- ofalwyr
- prifathrawon
- rheolwyr cyfleusterau
- rheolwyr tiroedd
- staff sydd â chyfrifoldeb dros labordai a gweithdai a ddefnyddir ar gyfer cyrsiau ymarferol.
Mewn llawer i achos rydym wedi ysgrifennu’r tudalennau canllaw gyda golwg ar fusnesau. Fodd bynnag, yn y rhan fwyaf o achosion mae’r un rheoliadau yn berthnasol i sefydliadau addysgol ac i fusnesau fel ei gilydd. Lle mae eithriadau o’r rheoliadau yn bodoli ar gyfer sefydliadau addysgol, byddwn yn tynnu sylw at hyn yn y cyfarwyddyd.
Beth yw’r effeithiau potensial ar yr amgylchedd?
Gall sefydliadau addysgol gael nifer o effeithiau ar yr amgylchedd:
- allyriadau i aer, er enghraifft o fwyleri, labordai a gweithdai
- halogiad tir, er enghraifft o storio olew a chemegolion
- gwaredu gwastraff, fel offer trydanol ac electronig gwastraff (WEEE), deunyddiau peryglus a gwastraffau clinigol
- gollyngiadau i ddŵr, er enghraifft o byllau nofio, labordai, arlwyo a llety
- defnyddio adnoddau er enghraifft ynni, papur a dŵr.
Sut gall NetRegs eich helpu chi?
Medrai ein cyfarwyddyd eich helpu i:
- osgoi cael eich erlyn a derbyn llai o ymweliadau oddi wrth reolyddion amgylcheddol
- cynyddu effeithlonrwydd a chynhyrchiant
- cwtogi ar eich costau gweithredu
- bod yn fwy tebygol o gaffael busnes o gyrff llywodraethol a busnesau mawr sy’n mynnu fod eu partneriaid busnes yn rheoli eu heffeithiau amgylcheddol mewn dull effeithiol
- gwella enw da eich busnes ymhlith y staff, cwsmeriaid a’r cyhoedd
- gwella’r siawns o ennill noddiant er mwyn ehangu eich busnes drwy arddangos fod eich effeithiau ar yr amgylchedd yn cael eu rheoli’n dda.
