.jpg)
Mae’r cyfarwyddyd hwn ar gyfer busnesau sy’n gwneuthur, trin neu brosesu cynhyrchion pren. Mae hyn yn cynnwys:
- trin pren â chadwolion fel ffensys, deciau, cynhyrchion tirlunio neu brennau adeiladu
- gwneuthur cynhyrchion pren cyfansawdd fel bwrdd ffibr, pren haenog, argaenau a laminiadau
- melino â llif er mwyn cynhyrchu asglodion pren, paledau pren, polion ffensys neu bren wedi’i lifio
- gweithio pren er mwyn cynhyrchu dodrefn, cynhyrchion pren at erddi neu brennau adeiladu i’w defnyddio o fewn adeiladu
- taenu caen neu orffeniad ar wynebau pren gan gynnwys drysau, ffenestri a dodrefn
- llosgi pren gwastraff wedi’i brosesu fel tanwydd.
Effeithiau amgylcheddol cynhyrchion pren
Gall busnesau pren gael nifer o effeithiau ar yr amgylchedd. Mae enghreifftiau’n cynnwys:
- allyriadau i aer o fwyleri, blawd llif o blaenio a llifio, neu gyfansoddion organig anweddol (VOCs) o weithgareddau gludio a chaenu
- halogiad tir o olewau, cadwolion neu gemegolion a ddefnyddir er mwyn trin pren
- llygredd sŵn o offer llifio neu felino a gynhaliwyd yn wael
- gwaredu gwastraff, fel tocion a thoriadau coed, torbrennau neu naddion pren gwastraff, neu bren heb ei drin a ddefnyddir ar gyfer compostio
- gollyngiadau i ddŵr o offer oeri, dŵr golchi sy’n cynnwys farneisi, caenau neu ludyddion, neu ddŵr ffo o ardaloedd storio.
Sut gall NetRegs eich helpu chi?
Medrai ein cyfarwyddyd eich helpu i:
- osgoi cael eich erlyn a derbyn llai o ymweliadau oddi wrth reolyddion amgylcheddol
- cynyddu effeithlonrwydd a chynhyrchiant
- cwtogi ar eich costau gweithredu
- bod yn fwy tebygol o gaffael busnes o gyrff llywodraethol a busnesau mawr sy’n mynnu fod eu partneriaid busnes yn rheoli eu heffeithiau amgylcheddol mewn dull effeithiol
- gwella enw da eich busnes ymhlith y staff, cwsmeriaid a’r cyhoedd
- gwella’r siawns o ennill noddiant er mwyn ehangu eich busnes drwy arddangos fod eich effeithiau ar yr amgylchedd yn cael eu rheoli’n dda.
