Mae’r Ddeddf Aer Glân yn rhoi grymoedd i gynghorau lleol er mwyn rheoli mwg domestig a diwydiannol er mwyn gwella ansawdd aer lleol a bodloni safonau ansawdd aer y UE ar gyfer deuocsid sylffwr a gronynnau. Mae’n galluogi cynghorau lleol i greu ‘ardaloedd rheoli mwg’ a gorchymyn fod tanwydd glanach yn cael ei ddefnyddio yn yr ardaloedd hyn.
Mae’r ddeddf yn llwyr weithredol yng Nghymru, Lloegr a’r Alban.
Yng Ngogledd Iwerddon adrannau 30 a 32 yn unig ar gynnwys tanwydd motor a’r adrannau technegol ynghylch dirymiadau deddfwriaeth gynharach sy’n berthnasol.
Beth yw’r Ddeddf Aer Glân?
| Rhif Rhan |
Disgrifiad |
|
Rhan I
Mwg Tywyll |
- Yn gwahardd allyrru mwg tywyll o simneiau ac eiddo diwydiannol neu fasnachol.
|
|
Rhan II Mwg, grut, llwch a tharthau
|
- Yn mynnu fod ffwrneisi newydd mor ddi-fwg ag y bo modd.
- Yn cyfyngu ar allyriadau mwg, grut, llwch a tharthau.
- Yn rhagnodi uchderau simneiau gofynnol..
|
|
Rhan III
Ardaloedd rheoli mwg |
- Yn awdurdodi cynghorau lleol i ddatgan ‘ardaloedd rheoli mwg’ er mwyn gwella ansawdd aer.
- Yn caniatáu i ‘danwydd awdurdodedig’ yn unig gael ei ddefnyddio mewn ardaloedd rheoli mwg, gydag eithriadau cyfyngedig.
|
|
Rhan IV
Rheoli llygredd aer (tanwydd a llosgi ceblau) |
- Yn awdurdodi’r llywodraeth i reoli cynnwys tanwydd motor a thanwydd olew ar gyfer ffwrneisi.
- Yn gwahardd llosgi ceblau er mwyn adennill metel.
|
|
Rhan V Gwybodaeth |
- Yn caniatáu cynghorau lleol i archwilio, ymchwilio a rhoi cyhoeddusrwydd i broblemau llygredd aer.
- Gosod allan y pethau gall cynghorau lleol eu gwneud wrth archwilio a’r trefnau sy’n rhaid iddynt eu dilyn.
|
|
Rhan VI Achosion arbennig |
- Mynnu fod perchnogion mwyngloddiau neu chwareli yn gweithredu er mwyn atal tân mewn tomennydd sbwriel pyllau glo, ac atal neu leihau’r perygl o gynhyrchu mwg a tharthau.
- Ehangu’r rheolau mwg o Ran I er mwyn iddynt fod yn berthnasol i allyriadau o injans rheilffordd, llongau dŵr ( ee mewn camlesi, porthladdoedd neu harbwrs). Yn caniatáu i gynghorau lleol beidio â gweithredu rhai o reolau’r Ddeddf hon, os oes angen hynny, er mwyn gwneud ymchwil llygredd aer.
- Yn gosod allan dyletswyddau cynghorau ynghylch llygredd aer o eiddo’r llywodraeth.
|
Ar bwy mae’r Ddeddf Aer Glân yn effeithio?
Mae’r Ddeddf yn effeithio ar bob busnes sy’n gweithredu ffwrneisi, bwyleri neu losgyddion.
Beth sy'n rhaid i chi ei wneud?
Gweler ein cyfarwyddyd ar:
Sut caiff y Ddeddf Aer Glân ei gorfodi?
Cynghorau lleol sy’n gorfodi’r Ddeddf, yn bennaf trwy rybuddion atal.
Gellir dirwyo busnesau y dedfrydir eu bod yn gyfrifol am gynhyrchu mwg tywyll gymaint ag £20,000.
Gwybodaeth bellach
